'NA PRESA DE TABACO
Walter Pohlen
De fora iera scrito "tabacchi" e, 'nā presa de tabāco, iera quel che voleva par far pasār la gnagna ai veci. Drento la botega se podčva nasār lodōr de tabaco missiā cō esotico profumo de donna, de carta zala e de salmastro; le scansėe le iera squasi svode, solo calche scatola de popolari, cartine fine, fulminanti, sal inscartosā e calche cartolina.
I foresti le
crompava mandandoghele, par farli ingelosir, a quei che no iera vignųi a far la gita, scegliendo tra la visiōn del s'coio o della cičsa col campanėl e, quei che podeva permeterselo, 'nā cartolina col panorama completo par farse vede che ė ičra siōri.
Me nono me dava sinque lire e a me mandava a cromparghe i popolari e, cō quel che restava, me rivāva par 'nā caramela de rosolio un penėn e un petardo.
Ogni volta che nono fumava a tossiva e me nonna, al riparo drio dela porta, ghe diseva sempre: "fuma, fuma, desgrasiā"
